Ամէն տարի Սուրբ Ծննդեան եւ Ամանօրի տօներուն առթիւ Վատիկանի Սուրբ Պետրոսի հրապարակի
վրայ կը բարձրանայ Սուրբ Ծննդեան ծառը։ 60 տարեկան` 30 մեթրնոց բարձր` եւ 5 թոն ծանրութեամբ
այս տարուայ ծառը նուէրն է Ուգրանիոյ հանրապետութեան։ Յառաջիկայ 5 դեկտեմբերին ծառը
պիտի բարձրացուի Սուրբ Պետրոսի հրապարակի վրայ ու անոր զարդարանքներու զետեղումը վերջ
պիտի գտնեն 16 դեկտեմբերին երբ Վատիկանի կառավարիչ` գերապայածառ Ճուզեբբէ Պերթելլոն պիտի
կատարէ հանդիսաւոր բացումը ի ներկայութեան Ուգրանիոյ կաթողիկէ եւ օրթոտոքս եպիսկոպոսներուն։
Այս տարուայ ծննդեան ծառի բացման արարողութիւնը ուստի կ՛ունենայ Էքումէնիք հանգամանք։
Նշենք որ տօներուն աւարտին ծառը կը նուիրուի բարեգործական ընկերակցութեան մը։ Այս
առթիւ` յառաջիկայ 5 դեկտեմբերին` Ուգրանիոյ Նախագահ Վիգտոր Լանուգովիչը պիտի ժամանէ
Վատիկան պաշտօնական հանդիպում ունենալու Պենետիկտոս ԺԶ հետ եւ հաւանականօրէն Սրբազան
Հայրը հրաւիրելու Ուգրանիայ։