Барталамей І: сітуацыя хрысціян у Турцыі паступова паляпшаецца
29 лістапада, напярэдадні
ўрачыстасці св. Апостала Андрэя, Канстантынопальскі Патрыярх Барталамей І сустрэўся
ў Стамбуле з прадстаўнікамі ААН і Сусветнай Рады Цэркваў. У сваёй прамове іерарх заявіў,
што ў Турцыі няма яшчэ сапраўднай рэлігійнай свабоды, але сітуацыя хрысціян паступова
паляпшаецца. Патрыярх нагадаў аб хрысціянскіх каранях Турцыі, аб тым, што хрысціяне
прыбылі сюды нашмат раней чым мусульмане.
Барталамей І выказаў задавальненне
з таго, што ўлады краіны паабяцалі зварнуць маёмасць немусульманскім рэлігійным арганізацыям.
На жаль гэта рашэнне не тычыцца Каталіцкага Касцёла. Ганаровы кіраўнік сусветнага
праваслаўя спадзяецца, што ўлады звернуць Праваслаўнай Царкве духоўную семінарыю і
тэалагічную акадэмію на востраве Халкі, якія былі закрыты ў 1971 г. “Рэлігійная свабода
– гэта не толькі свабоднае здзяйсненне набажэнстваў, але і магчымаць выхоўваць сваіх
святароў”, - сказаў Барталамей І.