Britania e Madhe ka larguar tërë personelin e ambasadës në Iran, pas sulmeve kundër
dy përfaqësive diplomatike në Teheran, si reagim ndaj masave ndëshkuese miratuar në
mënyrë unilaterale nga Britania e Madhe, Kandaja e SHBA. Një grup i personelit diplomatik
i Britanisë gjendet në aeroportin e Teheranit në pritje të fluturimit për Dubai. Për
të vlerësuar ngjarjen është caktuar për sot një mbledhje e re e ambasadorëve evropian
në Teheran. Sipas gjasave argumenti do të jetë edhe në qendër të mbledhjes së ministrave
të Jashtëm të BE-së nesër në Bruksel. Sekretarja e Shtetit Amerikan, Hilari Klinton,
e quajti ngjarjen e sulmit ndaj ambasadës britanike “dhunë” e “fyerje” ndaj bashkësisë
ndërkombëtare. SHBA – pohoi H. Klinton – e dënojnë këtë sulm me fjalët më të ashpra
të mundshme”. Ndërkaq presidenti i parlamentit iranian tha se dënimi nga ana e Këshillit
të sigurimit të OKB-së është “e përshpejtuar” e do të sjell “jo stabilitet” në sigurinë
globale. Edhe Qeveria norvegjeze ka mbyll ambasadën e vet në Teheran pas
sulmeve të djeshme kundër përfaqësisë diplomatike britanike në kryeqytetin iranian.
Njoftimin e dha vet qeveria e Oslos sipas së cilës personeli diplomatik norvegjez
gjenden akoma në Teheran e nuk janë marr vendime rreth evakuimit të punonjësve të
ambasadës.