Jeronim De Rada (1814-1903), shkrimtari më i mirënjohur i letërsisë arbëreshe,
figura më e shënuar e lëvizjes kombëtare shqiptare në Italinë e shekullit të nëntëmbëdhjetë,
bir i një prifti ortodoks në Maq (ital. Macchia Albanese) në malet e krahinës së
Kozencës, lindi më 29 nëntor 1814. Autorin e poemës së pamort 'Këngët e
Milosaos' (1836), nën titullin italisht Poesie albanesi del secolo XV. Canti
di Milosao, figlio del despota di Scutari (Poezi shqiptare të shekullit XV.
Këngët e Milosaos, bir i despotit të Shkodrës) e të një mori veprash të tjera, si Canti
storici albanesi di Serafina Thopia, moglie del principe Nicola Ducagino, Napoli
1839 (Këngë historike shqiptare të Serafina Topisë, gruaja e princit Nikollë
Dukagjini, 1839), që kërkojnë një hapësirë të veçantë, po e kujtojmë sot me vargjet
simbolike, shkëputur pikërisht nga Këngët Milosaos:
“Përse të venë në det Mendimet,
zemëra ime? Zbardhuan anijezat, Panë këndej e u fshehën… Erdhi dita e Arbërit! Doemos
do vdesim Mbi shtrat, në mos rënçim Në prag të shtëpive tona: E nën dhe do
të harrohen Shokët e vëllezërit Krojet e katundi ynë! [...]
Duhet
përmendim edhe disa vepra tjera si le Quattro Storie – Katër Histori 1847: Le Rapsodie
– Rapsoditë 1866; la Grammatica albanese – Gramatika shqipe me emrin e djalit Giuseppe
(zef) 1871; Scanderbeccu i pa – faan 1872-1884; Fiamuri Arbërit – 1883-1887; Antologia
albanese Antologjia shqipe 1986 e tjera.
I vetmuar, i varfër, gjysmë i verbuar,
i uritur, De Rada vdiq në vendlindje, në malësinë e Kalabrisë, më 28 shkurt 1903
- fund tragjik, jo i pazakontë ndër shqiptarë, ky për një figurë të kaq të madhe të
kulturës shqiptare, në veprat e të cilit Shqipëria u bë realitet poetik, para se të
ishte bërë entitet politik.