Аўстрыя: католікі, праваслаўныя і юдэі разам аб вартасці сям’і
Католікі, праваслаўныя
і юдэі возьмуць удзел у еўрапейскай канферэнцыі “Крызіс сям’і”, якая пройдзе ў Вене
з 5 па 7 снежня. Міжрэлігійная канферэнцыя аб становішчы сям’і ў еўрапейскіх краінах
адбудзецца па ініцыятыве заснавальніка фонду “Заклік сумлення” (Appeal of Conscience
Foundation) рабіна Артура Шнэйера. У рамках канферэнцыі пройдуць сесіі на тэму: “Сям’я
і рэлігійныя супольнасці”, “Сямейнае заканадаўства ў Еўропе”, “Сексуальная этыка”,
“Бацькі і дзеці”. Удзельнікі канферэнцыі абмяркуюць становішча інстытута шлюбу ў постмадэрнісцкім
грамадстве, кантроль нараджальнасці і аборты, тэму шлюбу ў мас-медыя і новыя магчымасці
перадачы рэлігійных традыцый дзецям з дапамогай Інтэрнэту.
На чале каталіцкай
дэлегацыі стане арцыбіскуп Венскі кардынал Крыстаф Шонборн, дэлегацыю Рускай Праваслаўнай
Царквы ўзначаліць старшыня Аддзела знешніх царкоўных сувязяў Маскоўскага Патрыярхату
Мітрапаліт Іларыён, іудзейскую – галоўны рабін Масквы, кіраўнік Еўрапейскай канферэнцыі
рабінаў, Пінхас Гольдшмідт.
Падчас працы канферэнцыі ўдзельнікі сустрэнуцца
з Прэзідэнтам Аўстрыі Хайнцам Фішэрам і Канцлерам Вернерам Файманнам. Па словах рабіна
Гольдшмідта, у сустрэчы прымуць удзел парламентарыі з розных краін Еўропы і члены
Еўрапейскага Парламента.