Կաթողիկէ եւ Մահմետական Պատասխանատուներու Հանդիպում ''Տրամաբանութիւն, Հաւատք Եւ
Մարդկային Անհատը'' նիւթին մասին։
Նախաձեռնութեամբ Վատիկանի միջկրօնական քահանայապետական խորհուրդի եւ Ահլ Ալ Պէյթ Յորդանանի
թագաւորական հաստատութեան, 21-23 նոյեմբեր Յորդանանի մայրաքաղաքին մէջ տեղի ունեցաւ երկրորդ
հանդիպումը կաթողիկէ մահմետական կլոր սեղանին, առաջինը Հռոմ տեղի ունեցած էր 2008-ի նոյեմբերին։
Կաթողիկէ եւ մահմետական 24 մասնագէտներ բանակցեցան ''տրամաբանութիւն, հաւատք եւ մարդկային
անհատը'' նիւթին մասին։ Յայտնենք որ կլոր սեղանին կը մասնակցի կարտինալ Թոռան` նախագահը
Վատիկանի միջկրօնական քահանայապետական խորհուրդին։