Больш за 30 біскупаў,
святароў, законнікаў і свецкіх з 10 азіяцкіх краін, якія адказваюць у епіскапатах
за сацыяльную камунікацыю, прайшлі з 14 па 19 лістапада ў Хуальен на Тайвані курс
карыстання новымі інтэрнет-тэхналогіямі. Фэйсбук і Твітэр, а таксама іншыя грамадскія
сэрвісы, граюць важную ролю у святарскім служэнні. Гэта падцвердзіў падчас сустрэчы
а. Куйёс, Місіянер Святога Сэрца, спецыяліст Фонда камунікацый для Азіі. На яго думку
сацыяльныя сеткі не павінны быць выключаны з намаганняў па новай евангелізацыі.
Удзельнікі
курсу пазнаёміліся з сістэмай візуальнага апавядання, спосабу перадачы біблійнага
паслання мовай сучасных лічбавых тэхналогій. Заняткі канцэнтраваліся на тэме інтэрактыўнага
ўзаемадзеяння і сувязі з так званымі “грамадзянамі лічбавай прасторы”, выкарыстоўваючы
бясплатнае праграмнае забеспячэнне. Гаворка ішла таксама аб навязанні шчыльнага кантакту
з прадстаўнікамі “анлайн культуры”.
“Пераўзыходзячы межы іерархій і структур,
незалежна ад расы, культуры і геаграфіі, усе мы можам быць сябрамі ў сацыяльных сетках”,
- сказаў а. Куйёс. На думку Місіянера Святога Сэрца, Касцёл павінен прыкласці моцныя
намаганні ў справе евангелізацыі праз сацыяльныя сеткі і адкрыцца на супрацоўніцтва
з партнёрамі, якія карыстаюцца рознымі формамі анлайн-прысутнасці і дзейнасці.