Në Jemen, presidenti Saleh largohet, por me garanci të papranueshme
Pas 33 vjetësh në fuqi e pas 10 muajsh proteste, presidenti i Jemenit, Ali Abdullah
Saleh nënshkroi marrëveshjen për kalimin e pushtetit në duart e zëvedësit të tij,
Abd-Rabbo Mansour Hadi, në këmbim të imunitetit të tij e të familjes. Marrëveshja
me opozitën jemenite, nënshkruar në Riad, në praninë e mbretit saudit Abdullah dhe
të ministrave të jashtëm të vendeve të Gjirit Persik, parashikon që Saleh të mbetet
president nderi për 90 ditë. Mijëra vetë shpërthyen në gëzim e festë nëpër rrugët
e kryeqytetit Sana’a, megjithëse sot paradite protestuan kundër garancive të fituar
nga Saleh. Ekziston rreziku, që 90 ditët, t’i japin atij kohë për të vazhduar të ndikojë
mbi të ardhmen e Jemenit.