Калумбія: Папа пасадзейнічаў вызваленню дзіцяці

29 верасня 2011 г. у Калумбіі тэрарыстамі была выкрадзена 10-гадовая дзяўчынка Ногора Валенціна Мунос, дачка мэра ўсходняй правінцыі Арауко. Гэта злачынства выклікала хвалю абурэння ва ўсёй краіне. Па прашэсці 18-ці дзён дзяўчына была вызвалена.

Паводле паведамленняў інфармацыйных агенцтваў, яе вызваленню пасадзейнічаў папа Бэнэдыкт ХVI, які маліўся і прасіў злачынцаў звярнуць дзіцяці. “Папа прасіў неадкладнага вызвалення ўсіх выкрадзеных і звароту тых, хто знаходзяцца на шляху злачыннасці і тэрарызма”, - адзначаецца ў паведамленні Дзяржаўнага Сакратарыята Апостальскай Сталіцы.

Паводле інфармацыйнага агенцтва “Zenit”, 12 снежня дзяўчынка прыбудзе ў Рым, дзе сустрэнецца з Бэнэдыктам ХVI. Акрамя таго, яна прыме ўдзел у св. Імшы, якую Папа будзе цэлебраваць на плошчы св. Пятра з нагоды свята Маці Божай з Гвадэлупэ. Падчас Эўхарыстыі Ногора Валенціна Мунос будзе трымаць у руках сцяг сваёй краіны.