ആര്ച്ച് ബിഷപ്പ് സാന്തോസ് ആബ്രില് മരിയാ മജ്ജോരെ പേപ്പല് ബസിലിക്കായിലെ മുഖ്യപുരോഹിതന്
21 നവംബര് 2011, വത്തിക്കാന് ബെനഡിക്ട് പതിനാറാമന് മാര്പാപ്പ റോമിലെ മരിയാ മജ്ജോരെ
പേപ്പല് ബസിലിക്കായിലെ മുഖ്യപുരോഹിതനായി ആര്ച്ച് ബിഷപ്പ് സാന്തോസ് ആബ്രില് ഇ കാസ്ത്തേയ്യോയെ
നിയമിച്ചു. തമാദാ അതിരൂപതയുടെ സ്ഥാനികമെത്രാപ്പോലീത്തായായ ആര്ച്ച് ബിഷപ്പ് സാന്തോസ്
പരിശുദ്ധ സിംഹാസനത്തിന്റെ ഭരണവ്യവസ്ഥയുടെ കേന്ദ്രസാമ്പത്തീക കാര്യാലയത്തിന്റെ ഉപാധ്യക്ഷനാണ്.
സ്പെയിന് സ്വദേശിയായ ആര്ച്ച് ബിഷപ്പ് സാന്തോസ് ആബ്രില് ഇ കാസ്ത്തേയ്യോ വത്തിക്കാന്
സ്ഥാപനപതിയായി വിവിധ രാജ്യങ്ങളില് സേവനമനുഷ്ഠിച്ചിട്ടുണ്ട്. 1935 സെപ്തംബര് 21ാം
തിയതി സ്പെയിനിലെ അല്ഫ്രാംബയില് ജനിച്ച അദ്ദേഹം 1960 മാര്ച്ച് മാസം പത്തൊന്പതാം തിയതി
വൈദീകപട്ടം സ്വീകരിച്ചു. 1985 ജൂണ്മാസം മെത്രാനായി അഭിഷേകം ചെയ്യപ്പെട്ടു.