Papa në Benin, në ceremoninë e lamtumirës: Vendi afrikan t’i tregojë botës rrugën
për ta jetuar vëllazërimin e vërtetë
Pak u shtoi këtyre fjalëve, ceremonia e lamtumirës, që u zhvillua sot pasdite në aeroportin
e Kotonusë, para nisjes së Atit të Shenjtë për në Vatikan. Pasi falenderoi për mikpritjen,
Papa foli për Afrikën e për Beninin, si tokë shprese, pasi këtu gjenden akoma vlerat
e vërteta njerëzore, për ruajtjen e të cilave, mund të kontribuojë edhe Nxitja Apostolike
pas sinodale “Africae munus”. Benedikti XVI kujtoi kardinalin beninez Bernardin Gantin
dhe kontributin e tij në jetën kishtare të vendit, si edhe harmoninë në marrëdhëniet
ndërmjet shtetit dhe Kishës. Fjala “Vëllazërim”, theksoi Papa, është e para e tri
fjalëve të motos kombëtare të Beninit. E duke i bërë jehonë krenarisë vendase, Ati
i Shenjtë u la afrikanëve këto fjalë: “Të jetosh
së bashku si vëllezër, pavarësisht nga ndryshimet e ligjshme, nuk është utopi. Pse
një vend afrikan të mos i tregojë botës rrugën për të jetuar vëllazërimin e vërtetë
në drejtësinë e bazuar mbi madhështinë e familjes e të punës? Jetofshin afrikanët
të pajtuar, në paqe e në drejtësi! Ja urimi që u bëj me besim e shpresë, para së të
largohem nga Benini dhe nga kontinenti afrikan”.