Kjo Vatër ngrihet mbas Famullisë së Shën Ritës së Kotonusë, që i jep emrin gjithë
lagjes. Mbahet nga 6 rregulltare të Kongregatës së Motrave të Bamirësisë, themeluar
nga e Lumja Nënë Terezë. Motrat kujdesen kryesisht për disa dhjetra fëmijë të braktisur
ose të sëmurë. Por i sigurojnë ndihmë ushqimore dhe fëmijëve të tjerë të zonës, që
vuajnë nga pasojat e ushqimit të keq ose të pamjaftueshëm. Ndërmjet fëmijëve,
të strehuar nga Rregulltaret e Bamirësisë, ka edhe disa të sëmurë nga Sida. Vizita
e Papës në këtë vatër dhimbjesh, që motrat misionare përpiqen ta kthejnë në vatër
gëzimi, ishte rast i përshtatshëm për të vënë theksin edhe mbi plagën e rëndë të Sidës,
që lëndon dramatikisht trupin e Kontinetit të zi.