Ծայրագոյն Վարդապետի Աստիճանի Տուչութեան Փարիզի եւ Արնուիլի Կաթողիկէ Հայոց Ժողովրդապետին։

Շաբաթ 19 Նոյեմբերի ժամը 18.30-ին, Արնուիլի Ս. Գրիգոր Լուսաւորիչի անուան հայ կաթողիկէ եկեղեցւոյ մէջ Հանդիսաւոր Ս Պատարագ պիտի մատուցէ ժողովրդապետը գեր. Հ Գէորգ վրդ Ասատուրեան, եւ որուն ընթացքին պիտի նշուի անոր քահանայութեան 25-ամեայ յոբելեանը. արարողութեանց պիտի նախագահէ Փարիզի առաջնորդը՝ արհի. Գրիգոր եպ . Կապրոյեան։
Իսկ Կիրակի 20 Նոյեմբերին Փարիզի մէջ, Գերապատիւ Հ. Գէորգ վրդ. Ասատուրեանի քահանայ ձեռնադրութեան 25-ամեայ յոբելեանի առթիւ, հանդիսաւոր Ս Պատարագի ընթացքին, արհի. առաջնորդը՝ Գրիգոր եպ. Կապրոյեան ծայրագոյն վարդապետի աստիճան պիտի շնորհէ յոբելեար վրդ.ին, յանձնելով անոր լանջախաչն ու մատանին, առ ի գնահատանք անոր 25 տարիներու եկեղեցւոյ ու հաւատացեալներուն մատուցած ծառայութեան համար ըլլայ Լիբանանի մէջ, յատկապէս երկրին դժուար պայմաններուն մէջ, ըլլայ նաեւ այս վերջին տարիներուն Փարիզի ու Արնուիլի ժողովրդապետութիւններու մէջ։