Бэнэдыкт XVI у Беніне: “Сучаснасць не павінна палохаць” (Поўны тэкст)
18 лістапада распачаўся
візіт Святога Айца ў Бенін. Самалёт з Пантыфікам на борце прызямліўся ў аэрапорце
“Кардынал Бернардын Ганціен” у Катану ў 15.00 паводле мясцовага часу. Бэнэдыкта XVI
віталі прадстаўнікі дзяржаўных уладаў на чале з Прэзідэнтам Томасам Боні Яі, а таксама
Канферэнцыя Біскупаў Беніна. Святы Айцец звярнуўся да сабраных са сваімі прывітаннем:
“Дзякую
Вам, спадар Прэзідэнт, за вашы цёплыя словы прывітання. Вы ведаеце пра маю сімпатыю,
якую я адчуваю да вашага кантынента і вашай краіны. Я хацеў вярнуцца ў Афрыку і тры
прычыны сталі ў аснову гэтага Апостальскага падарожжа. Спадар Прэзідэнт, перш за ўсё
важным было Ваша сардэчнае запрашэнне наведаць вашу краіну, якое поўнасцю падтрымала
Канферэнцыя Біскупаў Беніна. Запрашэнне супадае з годам, калі Бенін адзначае 40 гадавіну
ўстанаўлення дыпламатычных адносін з Апостальскай Сталіцай, а таксама з тым, што ваша
краіна адзначае 150-годдзе евангелізацыі. Знаходзячыся сярод вас я буду мець нагоду
сустрэцца з многімі, што мяне вельмі радуе. Сустрэчы будуць мець розны характар і
іх кульмінацыйным пунктам будзе Эўхарыстыя, якую а буду цэлебраваць перад маім ад’ездам.
Такім
чынам рэалізуецца маё жаданне, даставіць на афрыканскую зямлю паслясінадальную апостальскую
адгартацыю “Africae munus”. Разважанні над ёй будуць вызначаць у наступныя гады душпастырскую
дзейнасць шматлікіх хрысціянскіх супольнасцяў кантынента. Гэты дакумент дазволіць
ім сеяць зерне, узрошчваць яго і атрымліваць плён у “сто, шэсцьдзесят і трыццаць разоў”
большы, як кажа Езус Хрыстус (Мц 13,23).
Нарэшце, трэцяя прычына майго візіту,
больш асабістая і эмацыянальная. Я заўсёды меў вялікую павагу да сына гэтай краіны,
кардынала Бернардзіна Ганцін. На працягу многіх гадоў мы разам працавалі, кожны паводле
сваіх кампетэнцый, служачы у тым жа Вінанградніку. Мы дапамагалі, імкнучыся зрабіць
гэта як мага лепш, майму папярэдніку, бл. Яну Паўлу ІІ у яго служэнні на Пасадзе св.
Пятра. У нас была магчымасць сустрэцца некалькі разоў, каб абменяцца думкамі і разам
маліцца. Кардынала Ганцін паважалі і любілі многія людзі. Я лічыў правільным прыбыць
у яго родную краіну, каб памаліцца над яго магілай і падзякаваць Беніну за тое, што
даў Касцёлу такога выдатнага сына.
Бенін – гэта зямля старажытных і высакародных
традыцый. Яго гісторыя вельмі прэстыжная. Я хацеў бы скарыстацца магчымасцю і прывітаць
лідэраў традыцыйных рэлігій краіны. Іх уклад у пабудову будучыні гэтай краіны з’яўляецца
вельмі важным. Хачу заахвоціць іх далей уносіць свой уклад, з іх мудрасцю і веданнем
звычаяў, у спакойны пераход ад традыцыі да сучаснасці, які цяпер ажыццяўляецца ў краіне.
Сучаснасць
не павінна палохаць, яна не можа будавацца на мінулым перыядзе. Яе стварэнне павінна
адбывацца разважліва з улікам дабра ўсіх грамадзян, пазбягаючы перашкод, якія існуюць
на афрыканскім кантыненце і ў іншых месцах, напрыклад: безумоўнага падпарадкавання
законам рынку ці фінансаў; нацыяналізму, трыбалізму обо стэрылізацыі, якія могуць
стаць прычынай смерці; радыкальнай палітызацыі міжрэлігійных адносін за кошт агульнага
дабра, распаду чалавечых, культурных, этычных і рэлігійных каштоўнасцяў. Пераход да
сучаснасці павінен кіравацца стабільнымі крытэрыямі, заснаванымі на прызнаных каштоўнасцях,
якія дэманструе ваш нацыянальны дэвіз, але таксама на тых, якія маюць свае карані
ў годнасці чалавека, вартасці сям’і і павазе да жыцця. Усе гэтыя каштоўнасці маюць
вялікае значэнне для агульнага дабра, адзінага, што павінна быць у цэнтры ўвагі кожнага
кіраўніка. Бог давярае чалавеку і жадае яму дабра. Ад нас залежыць сумленны і справядлівы
адказ на моц Яго даверу.
Касцёл, са свайго боку, унясе свой адмысловы ўклад.
Сваёй прысутнасцю, малітвай і сваімі шматлікімі ўчынкамі міласэрнасці, асабліва ў
галіне адукацыі і аховы здароў’я, жадае ахвяраваць самае лепшае. Хоча быць побач з
тым, хто знаходзіцца ў патрэбе, тым, хто шукае Бога. Тым, хто хоча зразумець што Бог
– гэта не хтосці неіснуючы ці непатрэбны. Хоча паказаць, што Ён сябар чалавека. І
ў гэтым духу сяброўства і братэрства я прыбываю ў вашу краіну, спадар Прэзідэнт”.
Пасля
заканчэння цырымоніі прыітання, Папа накіраваўся ў катэдральны касцёл Маці Божай Міласэрнасці
ў Катану для сустрэчы з вернікамі.