“Першым падарункам
для Святога Айца, які быў дастаўлены ў нунцыятуру ў Беніне, была жывёла, казляня”,
- сказаў кс. Даніэль Пахо, сакратар ватыканскага дыпламатычнага прадстаўніцтва. У
інтэрв’ю нашаму радыё ён паведаміў, што працаўнікі Апостальска нунцыятуры мелі вялікія
цяжкасці з, так бы мовіць, “архівіраваннем” гэтага дару, як гэта звычайна робіцца
з падарункамі для Папы.
“Пасля кансультацый і атрымання інстурукцый з Ватыкану,
было вырашана, што калі падарунак не можа быць дастаўлены на самалёце ў Рым, ён павінен
застацца ў краіне. Апостальская нунцыятура прыняла рашэнне, што незвычайны падарунак
будзе перададзены аднаму з дзіцячых домоў.
Кс. Пахо адзначыў, што жыхары Беніна
з сімпатыяй ставяцца да Святога Айца, прычым не толькі католікі, але і вернікі іншых
Цэркваў і рэлігій.
Гаворачы пра выклікі, якімі для евангелізацыі Беніна з’яўляюцца
натуральныя і пляменныя рэлігіі, асабліва “вуду” з яе верай ў ведзьм, магію, жорскімі
практыкамі, кс. Пахо нагадаў, што ў Беніне няма адной, канкрэтнай традыцыі, існуюць
розныя плямёны і іх мовы. “Гэта добра, калі культурныя і рэлігійныя мадэлі пакідаюць
свае сляды, навучаюць людзей быць католікамі і фарміруюць іх веру. Мы разумеем, што
Касцёл у Беніне яшчэ вельмі малады”, - сказаў святар.
Сакратар Апостальскай
нунцыятуры падкрэсліў вялікую ролю Касцёла ў працэсе дэмакратызацыі і дзейнасці на
карысць міра ў краіне. Ён нагадаў кардынала Ганцін, які прычыніўся да свабодных выбараў
у краіне і даў пачатак працэсу прымірэння паміж рознымі плямёнамі Беніна. “Сёння Касцёл
займае важнае месца ў жыцці краіны дзякуючы сваёй працы ў сацыяльнай, адукацыйнай
і медыцынскай сферах”, - сказаў кс. Пахо.