Кс. Ламбардзі рэзка аб рэкламнай кампаніі “Benetton”
Кіраўнік Залі Друку
Апостальскай Сталіцы кс. Фэдэрыко Ламбардзі выступіў з рэзкай заявай, у якой выказаў
пратэст супраць недапушчальнага выкарыстання выявы Святога Айца ў камерцыйных мэтах.
Італьянская фірма “Benetton” у сваёй рэкламнай кампаніі выкарыстала фотамантаж, на
якім папа Бэнэдыкт ХVI цалуе імама ўніверсітэта Аль-Азхар Ахмеда аль-Таеба.
Кс.
Ламбардзі адзначыў, што гэта “сур’ёзны недахоп павагі да Папы, абраза пачуццяў вернікаў,
наглядная дэманстрацыя таго, як у галіне рэкламы можна парушаць асноўныя нормы павагі
да людзей, каб прыцягнуць іх увагу з дапамогай правакацыі”.
Як заявіў Кіраўнік
Залі Друку: “Дзяржаўны Сакратарыят Апостальскай Сталіцы разглядае магчымасць пэўных
крокаў, каб з дапамогай кампетэнтных органаў гарантаваць абарону правоў Святога Айца”.