Այսօր երկօրեայ այցելութեամբ Հայաստան կը ժամանէ Եւրոպական Յանձնաժողովի փոխ-նախագահ,
Եւրոպական Միութեան արտաքին գործոց եւ ապահովութեան քաղաքականութեան հարցերով բարձր ներկայացուցիչ
Քեթրին Էշթըն: Այցելութեան ընթացքին Հայաստանի նախագահ Սերժ Սարգսեան պիտի ընդունի
Ք. Էշթընը: Ք. Էշթըն հանդիպումներ պիտի ունենայ նաեւ Հայաստանի վարչապետ Տիգրան Սարգսեանի
եւ Հայաստանի արտաքին գործոց նախարար Էդուարդ Նալբանդեանի հետ: