17-27 лістапада ў
Францыі і ў некаторых іншых краінах Еўропы: Бельгіі, Галандыі, Іспаніі, Італіі, Польшчы,
Фінляндыі і Вялікабрытаніі, пройдзе Тыдзень ісламска-хрысціянскіх сустрэч. Арганізатарам
форума з’яўляецца Таварыства хрысціянска-мусульманскага сяброўства і Каталіцкі камітэт
супраць голаду і за развіццё. Падчас сустрэч пройдуць дыскусіі і разважанні на тэму
Бібліі і Карана, а таксама аб супольных каштоўнасцях, якія могуць дапамагчы ў будаванні
справялівасці і міра.
У спецыяльным паведамленні, арганізатары мерапрыемства
адзначаюць, што“у час пануючых крызісаў і насілля, хрысціяне і мусульмане могуць разлічваць
на каштоўнасці сваіх рэлігій і знаходзіць у сваёй веры сілы, каб сумесна дзейнічаць
на карысць справядлівасці і міру у свеце”.
Першыя дзве сустрэчы пройдуць ў
Парыжы. Удзельнікі форума паразважаюць над тэмамі “Хрысціяне і мусульмане перад пагрозамі
ў грамадстве” і “Змаганне з самотнасцю – фундаментальная аснова хрысціянскай і мусульманскай
веры”. 26-27 лістапада ў Ліёне, у рамках форума, эксперты абмяркуюць стан сённяшняга
хрысціянска-мусульманскага дыялога ў Францыі і вызначаць яго перспектывы на будучыню.
Арганізатары
сустрэч адзначаюць, што вельмі часта рэлігіі падвяргаюцца маніпуляцыям і ў выніку
становяцца прычынамі канфліктаў. Для хрысціян і мусульман Францыі шляхам, які вядзе
да вырашэння гэтай праблемы з’яўляюцца сустрэчы і дыялог. “Шматлікія хрысціяне і мусульмане
зразумелі багацце сумесных форумаў, якія вядуць да адкрытага, справядлівага, трывалага
і братэрскага грамадства”,- адзначаюць арганізатары Тыдня сустрэч.