ብፁዕ ካርዲናል ኮች፦ ፍርዲ እግዚኣብሔር ወትሩ ብምሕረት ኅያው

ኣብ ቢየሎሩሲያ ርእሰ ከተማ ሚንስኪ ካብ ዕለት 13 ሕዳር ክሳብ ዕለት 15 ሕዳር 2011 ዓ.ም. ኣብ መንጎ ካቶሊክን ኦርቶዶስክን፣ ክብሪ ክርስትያናዊ ሥነ ምግባር ንናይ ኤውሮጳ ሕይወት ኣስተዋጽዖ” ብዝብል መሪሕ ቃል ናይ ቢየሎሩሲያ ናይ ኦርቶዶክስ ቤተ ክርስትያን ሲኖዶስ ኣብ መንጎ ዝተፈላለያ ሃይማኖት ሓልዮ ዘተን ርክባት ዓለም ሓቆፍ ምስ ዝተፈላለያ ክፍለ ሃይማኖታት ተቛምን ናይ ዝተፈላለያ ኣቢያተ ክርስትያን ሓድነት ዘነቓቕሕ ጳጳሳዊ ቤት ምኽርን ሕንጸት ክርስትያን ዝሓሊ ናይ ቅዱሳት ቀርሎስን መቶዲዮስን ማእከል ምስ ናይ ሚንስክን ሞሂለቭ ሮማዊት ካቶሊካዊት ቤተ ክርስትያን ርእሰ ሰበኻን ብምትሕብባር ኣብ ዘዳለውዎ ዓወደ መጽናዕትን ኣብ መንጎ ዝተፈላለያ ሃይማኖታትን ሥልጣኔታትን ዘተ ብዝብል ኣርስቲ ተመሪሑ ብናይ ክቢ ጠረጴዛ ርክብ ኣብ ዝተዛዝመን መደብ ዝተሳትፉ ናይ ክርስትያን ሓድነት ዘነቓቕሕ ጳጳሳዊ ቤት ምኽሪ ሊቀ መንበር ብፁዕ ካርዲናል ኩርት ኮች ዝሓለፈ ሰነበት ንናይቲ ዓውደ መጽናዕቲ መክፈቲ ዝዓረገ መሥዋዕተ ቅዳሴ መሪሖም፣ እቲ ብቲዮሎልጊያዊ መጽናዕቲ እውን ከይተረፈ ሸለል ዝበሃል ፍርዲ እግዚኣብሔር ኣብ ዝብል ሓሳብ ኣማእኪሎም ኣብ ዘስምዕዎ ስብከት፣ እግዚኣብሔር እንክፈርድ ብዛዕባ ሰብ ኢዩ ዝግደስ፣ ፍርዲ እግዚኣብሔ ሰብ ኢዩ ዘገድሶ፣ ፍርዲ እግዚኣብሔር ግብረ ኩነኔ ኣብ ልዕሊ ዘርኢ ሰብ ዘይኮነስ ግብረ ጸጋን ፈውስን ምሕረትን ኢዩ። ስለዚህ ወትሩ ኣብ ሕይወት ክርስትናን እምነት ክርስትናን እዚ ዓይነት ርድኢትን ኅያውነት ፍርዲ እግዚኣብሔር ዕቱብ ኮይኑ ክንበር ኣለዎ። መለኮታዊ ፍርዲ ናይ ዕለታዊ ሕይወትናን ተግባርናን መዛንን ሓጎስ ካብ ሕይወትና ፈጺሙ ከይጠፍእ ዝድግፍ ምዃኑ ከምዘነጸሩን እዚ ከምዚ ኢሉ እንከሎ ትማሊ ንጎሆ ብፁዕነቶም ምስ ናይ ቢየሎሩሲያ ርእሰ ብሔር አለክድሳንድር ሉካሸንኮ ከምእተራኸቡ ናይ ቅድስቲ መንበር መግለጺ ሓቢሩ።
ኣብ ቢየሎሪሲያ ካብ መላእ ብዝሒ ሕዝቢ 80 ሚእታዊ ብናይ ኦርቶዶስክ 10 ምእታዊ ድማ ብናይ ሮማዊት ካቶሊክ ቤተ ክርስትያን ምእመናን ዝሽፈን ከምዝኾነ ሲር ናይ ዜና ኣገልግሎት የመልክት።