У Пакістане некалькі
месяцаў таму было заснавана новае Міністэрства Гармоніі. Яго кіраўнік Акрам Жыль 16
лістапада прыме ўдзел у агульнай аўдыенцыі ў Ватыкане, пасля якой будзе прадстаўлены
Святому Айцу.
Жыль сказаў агенцтву “Fides”, што падзякуе Папе за ўвагу і падтрымку
пакістанскіх хрысціян і выкажа просьбу аб малітве за іх і падтрымцы намаганняў па
пошуку гармоніі, міра і цярпімасці. Мірістр папросіць падтрымкі Святога Айца ў справе
пераканання каталіцкіх структур па забяспячэнні бясплатнай адукацыі юнакоў і дзяўчат
каталіцкага веравызнання ў Пакістане.
Акрам Жыль распавёў аб складаных грамадскіх
праблемах гэтай азіяцкай краіны, якая вярнулася да Канстытуцыі 1947 года, што гарантуе
роўнасць правоў для ўсіх грамадзян, а таксама свабоду веравызнання. Пакістанскі міністр
паведаміў, што цяперашні ўрад гарантаваў хрысціянам прадстаўніцтва ў парламанце краіны
і працоўныя месцы з пяціпрацэнтнай квотай у адміністрацыі федэральнага ўраду.