Насычанае падарожжа Папы ў Бенін. Прэзентацыя праграмы візіту
Кіраўнік Залі Друку
Апостальскай Сталіцы кс. Фэдэрыко Ламбардзі прэзентаваў журналістам праграму візіту
Святога Айца ў Бенін. Гэта будзе другое падарожжа Бэнэдыкта XVI у Афрыку. Ён адзначыў,
што Касцёлу ў Беніне, да якога належыць адна трэцяя насельніцтва краіны, ўсяго 150
гадоў. Па словах кс. Ламбардзі, кульмінацыйным момантам візіту стане св. Імша ў нядзелю
20 лістапада на “Стадыёне сяброўства” у Катану. Пасля яе Святы Айцец урачыста перадасць
прадстаўнікам біскупскіх канферэнцый усіх афрыканскіх краін Апостальскую паслясінадальную
адгартацыю, якая з’яўляецца вынікам прац ІІ Сіноду для Афрыкі ў 2009 годзе.
Пантыфік
прыбудзе ў сталіцу Беніна ў пятніцу 18 лістапада раніцай і адразу скіруецца ў катэдру
Найсвяцейшай Панны Марыі, каб сустрэцца з вернікамі. У суботу, 19 лістапада, праграмай
прадугледжана сустрэча з Прэзідэнтам Рэспублікі і прадстаўнікамі ўлады. Сустрэча пройдзе
пры ўдзеле кіраўнікоў найбольш важных мясцовых рэлігій. Як падкрэсліў падчас прэзентацыі
кс. Ламбардзі, чакаецца, што прамова Папы будзе датычыць міжнароднай сітуацыі ў рэгіёне.
Затым Святы Айцец накіруецца ў Уідах, 45 км ад Катану, дзе пахаваны кардынал
Бернардын Ганцін – “айцец нацыі”, як яго называюць суайчыннікі. Тут Бэнэдыкт XVI сустрэнецца
ў мясцовай семінарыі з кансэкраванымі асобамі і семінарыстамі. Пасля гэтага накіруецца
ў базыліку Беззаганнага Зачацця, дзе падпіша 4 экзэмпляры паслясінадальнай адгартацыі
на французскай, англійскай, партугальскай і італьянскай мовах. Вечарам таго ж дня
Святы Айцец сустрэнецца ў парафіі св. Рыты з хворымі дзецьмі, якія праходзяць лячэння
ў цэнтры Місіянераў міласэрднасці “Мір і радасць”.
У нядзелю, 20 лістапада,
ва Урачыстасць Езуса Хрыста Валадара Сусвету, адбудзецца заключная св. Імша і ўручэнне
Апостальскай адгартацыі. Гэта стане апошняй часткай візіту Бэнэдыкта XVI у Бенін.
Вяртанне
Святога Айца ў Ватыкан, па словах кіраўніка Залі Друку Апостальскай Сталіцы, запланавана
на 22.00 паводле рымскага часу.