Imzot Adriano Bernardini, Nunc i ri apostolik në Itali dhe në Republikën e San Marinos.
Është ipeshkvi 69 vjeçar, Adriano Bernardini, nunci i ri apostolik në Itali e në Republikën
e San Marinos, emëruar nga Benedikti XVI. Deri tani, kur u caktua në detyrën e re,
prelati ishte nunc apostolik në Argjentinë. Nunci apo Ambasadori i ri i Papës në
Itali, imzot Bernardini ka 69 vjeç, ka lindur në Pian di Meleto (Pesaro) më 13 gusht
1942. Është shuguruar meshtar më 31 mars 1968, për dioqezën e Romës. Ka hyrë në shërbimin
diplomatik të Selisë së Shenjtë më 3 dhjetor 1973. Më pas ka shërbyer në përfaqësitë
papnore diplomatike në Pakistan, Angolë, Japoni, Venezuelë e Spanjë. Ka qenë emëruar
me detyrë pune në Nunciaturën apostolike në Kinë (Tajvan) më 7 janar 1989. Më 20 gusht
1992 bëhen Nunc në Bangladesh dhe emërohet kryeipeshkëv. Nga 15 qershori 1996 ka qenë
Nunc në Tajlandë, Singapor, Malajzi e Brunei. Më 26 prill 2003 qe emëruar Nunc apostolik
në Argjentinë. Imzot Bernardini flet gjuhën franceze, angleze, spanjolle e portugeze
e natyrisht atë italiane.