Dita dytë e takimit ‘Oborri i jobesimtarëve’ në Tiranë. Kardinali Ravasi takon intelektualët
shqiptarë
Sot me 15 nëntor, në ditën e dytë të pranisë në Tiranë të takimit ‘Oborri i jobesimtarëve’,
nismë e Këshillit Papnor për Kulturën, kardinali Gianfranco Ravasi u takua me botën
intelektuale të Shqipërisë në dy Universitete të Tiranës. Takimi e dialogu u mbajt
me personalitete të ndryshme shqiptare në fushën e kulturës, të politikës, të diplomacisë,
të ekonomisë dhe të drejtësisë, para dite në Universitetin Shtetëror të Tiranës, ndërsa
pasdite në Universitetin Evropian të kryeqytetit. Kujtojmë se tema kryesore e ‘Oborrit
me jobesimtarët’ apo siç quhet në Tiranë ‘Oborri i takimit’ është: “Në çka beson
kush nuk beson?”, ndërsa bashkëbiseduesit e kardinalit Ravasi kanë trajtuar tema të
ndryshme por që në një farë mënyre trajtojnë apo prekin përmasën shpirtërore të jetës
së njeriut në shoqërinë bashkëkohore dhe rolin e fesë apo të besimit në Zotin. Po
ja hollësisht edh programi i ditës së sotme që pat kardinali Ravasi në Tiranë në kuadrin
e nismës “Oborri i takimit me jobesimtarët”. 10.00 – 11.30 Takim në Universitetin
Shtetëror të Tiranës – Besimtarë e jobesimtarë përballë sfidave të shoqërisë
postmoderne 10.00 Prof. Dhori Kule, Rektor dhe kard. Gianfranco Ravasi Kryetar
i këshillit Papnor të Kulturës, bashkëkryesojnë takimin dhe përshëndesin 10.10
Kard. Ravasi – Paraqet temën 10.30 Besnik Mustafaj, ish ministër i jashtëm dhe
ish ambasador në Paris: Përmasat shpirtërore të mbijetesës së identitetit shqiptar 10.50
Dr. Mark Marku, docent universitar, deputet: Feja në kushtet e mungesës së institucioneve
fetare. Reflektime mbi rastin shqiptar 11.10 Pyetje dhe diskutime, moderuar nga
Ass. Prof. Dr. Dhurata Shehri, Universiteti i Tiranës. 11.30 Përmbyllja e takimit
16.00
– 18.00 Takimi pranë Universitetit Evropian të Tiranës – Aula Magna 16.00 Dr.
Teuta Dobi, Presidente UET dhe kard. Gianfranco Ravasi Kryetar i këshillit Papnor
të Kulturës, bashkëkryesojnë takimin dhe përshëndesin 16.10 Kard. Ravasi – Paraqet
temën 16.30 Prof. Adrian Civici, Drejtor i Shkollës së Doktoraturës UET: Ndikimi
i krizës globale në çështjet etike të ekonomisë 16.50 Prof. Fatos Tarifa, Drejtor
i Institutit të Studimeve Sociale dhe Politike UET: Liria e besimit, pluralizmi i
sferës publike dhe totalitarizmi ideologjik 17.10 Prof. Luan Omari, Akademik: Disa
çështje etike dhe sociale në lidhje me besimin në Shqipëri 17.30 Pyetje dhe diskutime,
moderuar nga prof. Ardian Ndreca, docent i Historisë së Filozofisë Moderne dhe Drejtor
i Institutit për Studimin e Ateizmit (I.S.A.) pranë Universitetit Papnor Urbaniana
në Romë. 18.00 Përmbyllja e takimit Më hollësisht mbi zhvillimin e ditës
së dytë të “Oborrit të takimit me jobesimtarët” nga Tirana na njofton Klaudia Bumçi....