Քանդակագործ Սարգիս Թօսունեանի «Անցեալ, Ներկայ եւ Ապագայ» Խորագրով Ցուցահանդէսը Եգիպտոսի
Մէջ։
«Անցեալ, ներկայ եւ ապագայ», այսպէս վերնագրած է քանդակագործ Սարգիս Թօսունեան իր ցուցահանդէսը,
որուն բացումը տեղի պիտի ունենայ Շաբաթ Նոյեմբեր 12-ի երեկոյեան ժամը 7:00-ին, Աղեքսանդրիոյ
Աթըլիէյին մէջ : Այս ցուցահանդէսը արուեստագէտի 15-րդ անհատական ցուցահանդէսը պիտի
դառնայ: «Ես հայ եմ, այո', բայց նաեւ աղեքսանդրիացի արուեստագէտ եմ, իմ գործերուս մէջ
ներկայ է ծովի հովն ու հոտը, քանդակները կարծես ալիքներու երանգներ ունին», կ'ըսէ Թօսունեան:
Քանդակագործի նախորդ անհատական ցուցահանդէսը 2008-ին Աղեքսադնդրիոյ մէջ տեղի ունեցած
էր, Ռուսական կեդրրոնին մէջ, իսկ Գահիրէ 2010-ին Եգիպտացի 2 արուեստագէտներու հետ միատեղ:
Թօսունեան մասնակցած է խմբային մօտ 120 ցուցադրութիւններու, նաև Եգիպտոսի այլ քաղաքներու
մէջ` Մանսուրա, Փորթ-Սաիտ, Իսմաիլիա ևայլն: Միջազգային մակարդակով, 1996ին մասնակցած
է Կիպրոս, 2003ին Իտալիա, 2004ին Ճաբոն, 2005ին Սուտան, 2006ին Ռումանիա, 2007ին Միջերկրական
Ծովի երկիրներու, իսկ 2008ին Ֆրանսա տեղի ունեցած ցուցահանդէսներու: Քանդակագործ
Սարգիս Թօսունեան Հայաստանի Հանրապետութեան դեսպանատան 22 Սեպտեմբերին կազմակերպած պաշտօնական
ընդունելութեան ընթացքին, Դեսպան Մելքոնեանի ձեռամբ պատուագիր ստացաւ ՀՀ Մշակոյթի Նախարարին
կողմէ` «հայ մշակոյթի զարգացման եւ հանրահռչակման գործին մէջ իրեն ունեցած նշանակալից
աւանդին համար»: Թօսունեան ծնած է 1953ին, Աղեքսանդրիա: