Հայ Երաժիշտ Եդուարդ Մանուկեան
Եդուարդ Մանուկեան իր սերունդի առաջատար հայ յօրինողներու շարքին կը դասուի, վերջին
տարիներուն գրաւելով՝ զգալի միջազգային ճանաչում իր սենեկային, գործիքային և այլ ստեղծագործութիւններուն
համար:
Հայրենի երաժիշտ Էդուարդ
Մանուկեան ծնած է 27 Յուլիս 1981-ին: Ապագայ երաժշտահանի հետաքրքրութիւնը, երաժշտութեան
նկատմամբ ձևաւորուած է պատանեկութեան տարիներուն: 1998-ին ան կ՝ ընդունուի Երևանի Վալերի
Բրիւսովի անուան պետական լեզուաբանական համալսարանի անգլերէն լեզուի և հոգեբանութեան
մասնաճիւղ՝ միաժամանակ սկսելով ինքնուրոյն դաշնամուր նուագել և ուսումնասիրել երաժշտութեան
տեսութիւնը: Իր կարողութիւններու արագ զարգացման և կամքի յամառութեան շնորհիւ` ան շուտով
կը դառնայ տեղական մի քանի նուագախմբերու անբաժան մասնիկը և նիւթեր կը գրէ անոնց երգացանկերու
համար:
2002-ին՝ ԱՄՆ տեղափոխուելէ
ետք, Մանուկեան կը դառնայ Ռոն Թէյլըր՝ ամերիկացի կոմպոզիտորի աշակերտը և միևնոյն ժամանակ
ինքնուրոյն կ՝ուսումնասիրէ սիմֆոնիկ երաժշտութեան հիմերը, նուագաւորման արուեստ և այլն:
Ան նաև ղեկավարման դասեր կ՝առնէ Սթեֆան Պիացցայէն և հետագային՝ Տեյվիտ Պախէն: 2005-2007
թթ. ան կը շարունակէ իր ուսումը Գալիֆորնիոյ համալսարանի Լոս Անճըլըսի մասնաճիւղին մէջ`
Ճոն Քենետիի և Ճէյմս Նիւթընի գլխաւորութեամբ:
Մանուկեան յաջողութեամբ կ՝աւարտէ երաժշտական յօրինման բաժնի դասընթացքը՝ ներկայացնելով
իր առաջին սիմֆոնիան (նուիրուած Հայաստանի անկախութեան 15 ամեակին), և կը շարունակէ իր
գործունէութիւնը` գրելով մեծածաւալ սիմֆոնիկ և Գամերային ստեղծագործութիւններ: Մանուկեանի
ուսանողական տարիներէն սկսած, գործերը կ՝արժանանան միջազգային ճանաչման` կատարուելով
աշխարհի զանազան կողմերը, հեղինակաւոր երաժիշտներու կողմէ։
Մանուկեանի ոճի հիմը կը կազմեն ինչպէս հայկական ազգային երգերու
տարրերը, այնպէս ալ յօրինման ժամանակակից թեքնիքային անմիջական գործածումը: Չնայած իսկական
ժողովրդական երգերու խիստ հազուադէպ օգտագործման՝ ազգային երաժշտութեան գովաբանումն ու
ժամանակակից ոճերու հետ անոր միախառնումը, իր բոլոր գործերու բուն էութիւնն է: Մանուկեանի
ստեղծագործութիւնները յաճախ կը հնչեն աշխարհի բազմաթիւ բեմերու վրայ, ուր երբեմն հայազգի
երաժշտահանը ելոյթ կ՝ունենայ բացման խօսքով: Մանուկեանի աշխատանքներու հաւաքածոյի մէջ
տեղ գտած են ինչպէս նուագախմբային և գամերային ստեղծագործութիւններ, այնպէս էլ մենակատար
գործիքներու համար գրուած մենանուագներ և աւելի քան 100 երգ: Հայազգի երիտասարդ արուեստագէտին
գործերէն յիշենք. Համերգ դաշնամուրի և նուագախումբի համար 2004-ին, Հայաստանյան պատկերներ»,
սուիթ սիմֆոնիկ նուագախումբի համար 2005-ին,Բարև Հայաստան», սիմֆոնիկ ներբող նուագախումբի
համար - 2005-ին, «Սքերցօ», փողային նուագախումբի համար 2006-ին, Առաջին սիմֆոնիա 2006-ին,
նուիրուած՝ Հայաստանի անկախութեան 15- ամեակին եւ «Մտքի յաղթանակը », սիմֆոնիկ նուագախումբի
համար 2008-ին։
Գամերային ստեղծագործութիւններէն
յիշենք՝ «Երգ ու պար», ջութակի և դաշնամուրի համար - 2005-ին, Սյուիտ (N1 & N2) պղնձային
գործիքներու քառեակի համար - 2005-ին, Համերգ գամերային նուագախումբի համար - 2006-ին,
աւագասրինգի երրեակ, ջութակի և դաշնամուրի համար - 2007-ին, «տապըլ Հիլիքս» աւագասրինգի
(կլարնետի) և ջութակի համար - 2008-ին որը նուիրուած էր Ճէյմզ ՈՒոթսընին, իր 80 ամեակին
առթիւ։ «Երգ Բիւրականի մասին», աւագասրինգի և ջութակի համար - 2008-ին, նուիրուած՝
Վիքթոր Համբարձումեանին, իր 100-ամեակին առթիւ։
Ձայնային գործերը։ Հինգ երգ դաշնամուրի նուագակցութամբ 2006-ին, Տասը երգ հայ
բանաստեղծներու ստեղծագործութիւններով, դաշնամուրի նուագակցությամբ 2006-2008, «Երեք
երգ սիրոյ մասին» 2008-ին, 1- «Չեն սիրում քո աչքերն էլ ինձ» 2- «Կանցնեն տարիներ» 3.
«Ես ոչ մի աղի բլիթ չեմ կերել»։
Դաշնամուրային
մենանուագները։ «Պար», դաշնամուրային զուգերգ համար 2004ին, «Էլեգիա», դաշնամուրի համար
2006-ին, Ռազմիկ Հայրապետեանի յիշատակին, Ստեղծագործութիւններ երիտասարդ դաշնակահարի
համար (10 կտոր)2006-2008։
|
