Лідэры рэлігійных
супольнасцяў Святой Зямлі падзякавалі Бэнэдыкту XVI за сустрэчу, якая прайшла 10 лістапада
ў Рыме. У сваім спецыяльным звароце іерархі пажадалі, каб дзейнасць Святога Айца спрыяла
пашырэнню супакою ў свеце, а таксама выказалі свой намер дзейнічаць на карысць абароны
святасці чалавечага жыцця, “асабліва калі яму пагражаюць у імя рэлігій, што з’яўляецца
блюзнерствам”.
“З мэтай падтрымкі супакою і ўмацавання ўзаемнай павагі паміж
рознымі рэлігійнымі супольнасцямі прысутнымі на Святой Зямлі мы маем абавязак выхоўваць
нашых дзяцей, каб прадухіліць абразу пачуццяў ці веры іншых”, - адзначылі рэлігійныя
лідэры Ізраіля.
Іерархі таксама выказалі намер спрыяць абароне святых месцаў
і іх свабоднаму наведванню прадстаўнікамі розных веравызнанняў. Акрамя таго рэлігійныя
лідэры адзначылі, што імкнуцца быць уважлівымі да найбольш слабых і сумесна працаваць
на карысць пабудовы больш справядлівага і адкрытага грамадства