Украіна: тры новыя мітраполіі грэка-каталіцкай Царквы
Вярхоўны арцыбіскуп
Кіева-Галіцкі Святаслаў Шаўчук рассказаў, што на Украіне будуць створаны тры новыя
грэка-каталіцкія мітраполіі: Львоўская, Івана-Франкоўская і Тэрнопальская. Іерарх
адзначыў, што гэта важны крок у імкненні да стварэння Патрыярхата грэка-каталіцкай
Царквы на Украіне.
“Сёння на Украіне існуе адзіная мітраполія – Кіева-Галіцкая.
Гэтая структура адлюстроўвае сітуацыю нашай Царквы з часоў Кіеўскай Русі, якая склалася
больш за тысячу гадоў таму”, – сказаў іерарх. Паводле Вярхоўнага Арцыбіскупа Грэка-каталіцкая
Царква з тых часоў павялічылася і ў цяперашняй сітуацыі мае патрэбу ў развіцці.
“Каб
гарантаваць лепшую душпастырскую апеку нашым вернікам, паводле рашэння Сінода Біскупаў
Украінскай Грэка-каталіцкай Царквы і з благаслаўлення Апостальскай Сталіцы, мы вырашылі
стварыць тры новыя Мітраполіі”, - сказаў арцыбіскуп Шаўчук. Іерарх паведаміў, што
Львоўскім Мітрапалітам прызначаны арцыбіскуп Ігар Вазняк; Івана-Франкоўскім біскуп
Уладзімір Вітышын, а Мітрапалітам Тэрнопальскім стаў біскуп Васіль Семянюк.