Біскупы Партугаліі,
падчас пленарнай асамблеі епіскапата, якая прайшла ў Фаціме, выпрацавалі пастырскі
ліст пад назвай “Надзея ў час крызісу”, аб непрыняцці дыктатуры капітала.
“Ва
ўмовах, калі нейкія нябачныя людзі навязваюць фінансава-эканамічную дыктатуру, палітычныя
сілы не маюць свабоды выбару”, - адзначаецца ў пасланні. Падкрэсліваецца, што ў такой
сітуацыі найбольш пакутуюць слабыя і безабаронныя. Біскупы звяртаюць увагу на тое,
што ў свеце “адначасова існуюць месцы фінансавага раю, і месцы пекла беднасці і несправядлівасці”.
Партугальскія
іерархі выказалі сваю гатоўнасць супрацоўнічаць з новым урадам для аднаўлення эканомікі
краіны. Акрамя таго біскупы падцвердзілі свой намер працягваць канкрэтна праяўляць
сваю салідарнасць з патрабуючымі грамадзянамі, дапамагаючы ім праз дзейнасць спецыяльных
касцёльных устаноў.
Генеральны сакратар Канферэнцыі Біскупаў Партугаліі кс.прэлат
Мануэль Морухао расказаў, што падчас пасяджэння епіскапата былі абраны новыя старшыні
біскупскіх камісій, а таксама прызначаны 2 дэлегаты на Сінод Біскупаў аб новай евангелізацыі,
які пройдзе ў Рыме ў кастрычніку 2012 г.