Індыя: больш за 1000 выпадкаў дыскрымінацыі хрысціян у 2010 г.
“На працягу 2010 г.
у Індыі было зарэгістравана больш за 1000 выпадкаў дыскрымінацыі ў дачыненні да хрысціян”,
- паведамляе інфармацыйнае агенцтва “Fides”. 8 лістапада Індыйская рада хрысціян арганізавала
сустрэчу, падчас якой было сказана, што індуіскія фундаменталісты вельмі актыўна
заклікаюць да рэлігійнай нянавісці і нападаў на рэлігійныя меншасці.
Нагадваецца
аб шматлікіх актах вандалізма ўчыненых у дачыненні да хрысціянскіх святынь у розных
штатах Індыі. Прадстаўнікі Рады хрысціян звяртаюцца да ўладаў краіны, з заклікам “прыняць
прававыя меры ў дачыненні да вінаватых у гэтых актах”. Прыняцце законапраекта накіраванага
на забарону дыскрымінацый на рэлігійнай глебе падтрымліваюць Каталіцкі Касцёл і іншыя
рэлігійныя меншасці ў Індыі.
Адзначаецца, што пашырэнню нецярпімасці спрыяюць
экстрэмісцкія індуіскія арганізацыі, якія абвінавачваюць хрысціян у празэлітызме.
“Індуісцкія экстрэмісты часта плацяць бедным жыхарам краіны, за правядзенне актаў
вандалізма ў дачыненні да хрысціянскіх рэлігійных аб’ектаў”, - адзначае агенцтва “Fides”.