Në audiencën e përgjithme, të pranishëm edhe familjarët e viktimave të aksidentit
ajror të Smolenskut.
Në audiencën e sotme të përgjithshme ishte i pranishëm edhe një grup familjarësh të
viktimave, që humbën jetën në aksidentin ajror të Smolenskut, në Rusi. Është fjala
për ngjarjen e hidhur të 10 prillit 2010, me jehonë në mbarë botën, edhe pse pati
si pasojë vdekjen e presidentit Lek Kaçinski dhe të një delegacioni të madh polak. Familjarët
e viktimave i dorëzuan bashkëpunëtorëve të Papës një letër dhe një shportë me dhe
nga vendi ku gjetën vdekjen prijësit e shtetit polak. Por nuk pati vetëm çaste
të trishtuara, audienca e sotme. Si zakonisht, Sheshi i Shën Pjetrit u mbush edhe
me tinguj gazmorë. Ishin tingujt e pjesëve muzikore, që luajti për nder të Papës,
Banda e Granatierëve të Sardenjës. Benedikti XVI i falënderoi përzemërisht për muzikën
e bukur.