4 лістапада ў нігерыйскім
Даматуру ў выніку тэрарыстычных актаў ісламскай секты Боко Харам загінула болш за
150 чалавек, а сотні былі паранены. Мэтай тэрарыстаў было поўнае знішчэнне 6 касцёлаў
і сядзібы мясцовай паліцыі.
Паводле біскупа дыяцэзіі Майдугуры Олівера Дашэ
Доэмэ, на тэрыторыі якой знаходзіцца Даматуру, прычынай цяперашняй хвалі насілля з’яўляюцца
рэлігійны, палітычны, грамадскі і эканамічны фактары. “У нашым грамадстве ёсць асобы,
якія раней займалі важныя пасады, а зараз страцілі свой аўтарытэт і выкарыстоўваюць
рэлігію да таго, каб распальваць у душах малаадукаваных маладых людзей нянавісць і
насілле”, - сказаў іерарх.
Біскуп Доэмэ падкрэсліў, што ў нігерыйскай культуры
існуе перакананне, што той, хто памірае ў барацьбе за якую-небудзь справу, увойдзе
ў рай. Іерарх звяртае ўвагу на тое, што “маладыя людзі з’яўляюцца прыладамі ў руках
прагных палітыкаў, якія губляюць свае ўплывы, але хочуць застацца пры ўладзе, каб
павялічваць свае фінансавыя даходы”. Біскуп адзначыў, што ў аснове ўсіх грамадскіх,
палітычных і эканамічных няшчасцяў Нігеры ляжыць карупцыя.
Пасля ўчарашняй
малітвы “Анёл Панскі” папа Бэнэдыкт XVI выказаў сваю занепакоенасць тым, што адбываецца
ў Нігерыі. “Я з трывогай сачу за трагічнымі падзеямі, якія адбыліся ў апошнія дні
ў Нігерыі. Малюся за ахвяраў гэтай трагедыі і заклікаю да спынення ўсіх форм насілля,
якое не вырашае праблемы, але толькі іх павялічвае, ведучы да нянавісці і падзелаў
нават сярод вернікаў”, - адзначыў з занепакоенасцю Бэнэдыкт ХVI.