Më 7 nëntor kalendari kujton shën Baldin

Shën Baldi (Baudi), ipeshkëv i Turit, lindur në një datë të panjohur e vdekur në Tur, rreth vitit 552, e udhëhoqi kryedioqezën e Turit pas Guntarit. Për jetën e tij kemi shumë pak të dhëna, të lëna nga Shën Gregori i Turit (538-594), historian francez, sipas të cilit Baldi qe në shërbim të mbretit Klotari I (497-561) dhe pati grua e fëmijë. I zgjedhur ipeshkëv në vitin 546, kur tashmë ishte i vejë, ua shpërndau të varfërve gjithë arin e lënë nga paraardhësi dhe themeloi ‘mensa canonicarum’, apo mensën për klerin e katedrales së tij të Turit. Shën Baldi vdiq pas pesë vjet e dhjetë muaj episkopati dhe u varros në bazilikën e Shën Martini të Turit. Reliket e tij më pas u mbartën, herën e parë në shekullin XI, në Kishën e Vërnej-syr-Indre; herën e dytë në Lodshes, në Kishën e Zojës, që sot i kushtohet Shën Orsos, ku vijojnë nderohen e ku shtegtarët shkojnë t’i luten të ndërmjetësojë në kohë thatësire, për të reshur shi. Martiriologu romak e kremton më 7 nëntor me emrin latin Baldus.