Շաբաթ 5 Նոյեմբեր 2011,՝ Հայ Տօնացոյցի համաձայն տօնն է Գաբրիէլ եւ Միքայէլ հրեշտակապետներու
եւ երկնային զօրքերուն։ Ըստ եկեղեցւոյ սուրբ հայրերուն` հրեշտակները, իբրև լուսեղէն էակներ,
ստեղծուած են արարչագործութեան առաջին օրը` լոյսի հետ միասին: Աստուծոյ հրահանգով անոնք
կանչուած են սպասաւորելու մարդ արարածին: Հետևաբար անոնք սպասաւոր հոգիներ են, որոնք
երկնաբնակ ըլլալով հանդերձ, իրենց մասնակցութիւնը կը բերեն նաեւ երկրաւոր կեանքի ընթացքին,
գործելով ժամանակի և տարածքի մէջ ապրող մարդու հետ ու մարդու համար: Հրեշտակները անուանուած
են նաեւ՝ Աստուծոյ պատգամաւորներ, որոնք կ՛իրականացնեն Տիրոջ կամքը: Ս. Գիրքը կը վկայէ
որ անոնք բազմաքանակ են: Ըստ ս. Դիոնիսիոս Արիսպագացիի` հրեշտակները ունին ինը դաս` ՜՜Աթոռներ,
Քերովբէներ, Սերովբէներ, Տէրութիւններ, Զօրութիւններ, Իշխանութիւններ, Պետութիւններ,
Հրեշտակապետեր և Հրեշտակներ: Գաբրիէլ հրեշտակապետին, որուն անունը կը նշանակէ
՜՜ՙԱստուծոյ այր՝՝, վերապահուած է Տիրոջ վերին խորհուրդները աւետարանելու շնորհքը:
Իսկ Միքայէլ հրեշտակապետին, որուն անունը կը նշանակէ ՜՜ Աստուծոյ նմանը՝՝ Երկնաւոր
հօր փառքի համար մարտնչողն է: Հրեշտակապետերու անունները. Գաբրիէլ – Աստուծոյ
պատկեր, Աստուծոյ այր, Միքայէլ – Աստուծոյ նման, Աստուծոյ հզօր Ռաֆայէլ – Աստուծոյ
բժշկութիւն Անայէլ – Աստուծոյ լրում Ուրիէլ – Աստուծոյ տեսում Դակուէլ – Ինքն
աստուածային Բարաքիէլ – Աստուածային սկիզբ Ադոնիէլ – իմ տէրը Աստուած է Փանուէլ
– Աստուծոյ յայտնութիւն Հրեշտակապետեր են նաեւ՝ Երեմիէլ եւ Սաղաթիէլ։