Выбары ў Калумбіі: арцыбіскуп Багаты выказвае задавальненне
У галасаваннях на
выбарах, што прайшлі ў гэтай лацінаамерыканскай краіне 30 кастрычніка, прынялі ўдзел
каля 30 мільёнаў выбаршчыкаў – амаль 70 працэнтаў насельніцтва. У Багаце больш чым
32% галасоў атрымаў Густаў Пэтро, былы партызан і дысідэнт, прадстаўнік адзінай апазіцыйнай
да прэзідэнта Калумбіі Сантаса партыі Дэмакратычнага Альянсу. Пэтро атрымаў пасаду
мэра сталіцы. На думку арцыбіскупа Багаты Рубена Салазара Гомеса, “выбар Густава Пэтро
дае новыя надзеі. "
Хаця перадвыбарчая кампанія была адзначана гвалтам, Касцёл
у Калумбіі заклікаў грамадзян і хрысціянскіх вернікаў ісці на выбары і кіравацца сумленнем,
і яго голас быў пачуты. Калумбійцы масава прыйшлі на выбарчыя ўчасткі. Касцёл у краіне
выказаў задавальненне вынікамі. “Гэта важны крок да нацыянальнага прымірэння", -сказаў
арцыбіскуп Багаты.-«Адукацыя, жыллё, ахова здароўя ... Ёсць шмат задач для новага
мэра сталіцы, дзе на ўзроўні беднасці жыве амаль 40% насельніцтва.» Біскуп Салазар
з аптымізмам глядзіць у будучыню, падкрэсліваючы актыўнасць людзей, бо цяпер многія
сталі ўдзельнічаць у барацьбе супраць галечы і гвалту.