4-9 лістапада ў Лурдзе
праходзіць пленарная асамблея Канферэнцыі Біскупаў Францыі. Падчас сустрэчы французскіх
іерархаў адбудуцца выбары новага старшыні епіскапата, а таксама кіраўнікоў розных
секцый.
У цэнтры ўвагі біскупаў – этыка-сацыяльныя выклікі, перад якімі стаіць
французскае грамадства, пытанні, звязаныя з новай евангелізацыяй, экалогіяй, інтэрнэтам
і праблемамі сем’яў.
Старшыня епіскапата Францыі арцыбіскуп Парыжа кардынал
Андрэ Вэн-Труа ў сваім уступным слове звярнуў увагу на праблемы, якія тычацца маючых
адбыцца ў 2012 г. прэзідэнскіх выбараў у Францыі, а таксама сустрэчы лідэраў “Вялікай
дваццаткі”, якая праходзіць у Канах.
У сувязі з падрыхтоўкай да Сінода Біскупаў
аб новай евангелізацыі, які пройдзе ў Рыме ў кастрычніку 2012 года, на адным з пасяджэнняў
епіскапата будуць прадстаўлены вынікі апытанняў, праведзеных у французскіх дыяцэзіях
на гэту тэму.
Біскупы таксама абмяркуюць праблемы святароў і кансакраваных
асобаў, падвядуць вынікі Сусветных дзён моладзі, якія прайшлі ў Мадрыдзе. На пасяджэнне
епіскапата запрошаны пісьменнік і журналіст Жан-Клод Жыльбо, які выступіць з дакладам
на тэму: “Пытанне – як сёння жыць?”