Zhvillimi të kushtëzohet nga ambienti e nga pabarazitë: paralajmërim i OKB-së në Raportin
2011
Ambienti dhe varfëria, në Raportin mbi zhvillimin njerëzor, që OKB-ja paraqiti këto
ditë në Kopenhagen. Norvegjia, në vend të parë e Republika Demokratike e Kongos, në
vend të fundit në klasifikimin e hartuar mbi bazën e treguesve të shëndetësisë, të
arsimit e të barazisë burrë-grua. Shqipëria rreshtohet në vendin e 70-të. Programi
i OKB-së për Zhvillimin (PNUD-i) e titullon raportin e tij vjetor: “Qëndrueshmëria
dhe barazia: një e ardhme më e mirë për të gjithë”. Për të ngadalësuar ndryshimet
e klimës, thekson raporti, duhet të reduktohen pabarazitë brenda e ndërmjet vendeve.
Fushat janë të shumta: shëndetësia, edukimi, mundësitë që u jepen burrave e grave,
së bashku me kriteret për prodhimin e energjisë e për mbrotjen e ekosistemeve. Raporti
vë në dukje disa të dhëna: 1 miliard e gjysëm persona janë jashtë rrjetit elektrik,
shpërndarja e të ardhurave është keqësuar. Edhe OKB-ja mbështet vendosjen e taksës
për transaksionet financiare, për të siguruar fonde për zhvillimin.