Kontraste të forta ndërmjet administratës së SHBA-së dhe Kishës Katolike për abortin
dhe kontrollin e lindjeve
Kësaj radhe, ndeshjen me administratën shtetërore amerikane, Kisha Katolike e vendit
e pagoi me shkurtimin e fondeve për Zyrën e saj të Emigracionit e për Shërbimin e
Refugjatëve, nga ana e Departamentit për Shëndetin dhe Shërbimet Shoqërore. Pezullohet
pra, financimi i vitit 2006 për qendrat, ku Konferenca Ipeshkvnore Amerikane strehon
refugjatët dhe lufton plagën e trafikut të njerëzve. Gjatë vitit 2010, në këto qendra
kanë kaluar 28% e refugjatëve të ardhur në SHBA-të. Nga këto shifra, është e vështirë
të kuptohet shkaku i pezullimit të financimeve, por fondet u janë dhënë organizatave
të tjera, sepse qendrat katolike – në linjë me mësimet e Magjisterit të Kishës – nuk
kanë pranuar të vendosin në listën e shërbimeve të tyre, abortin dhe furnizimin me
kontraceptivë. I ashpër, reagimi i ipeshkvijve, të cilët deklarojnë se mund ta hedhin
shtetin në gjyq për diskriminimin me bazë fetare. Për t’u vënë në dukje se një komision
i pavarur i Departamentit, në raportin e vet, i konsideron qendrat katolike më të
kualifikuara se organizatat e tjera dhe për këtë arsye, kundërshton vendimin për t’i
financuar. Komisioni denoncon këtë politikë të padrejtë në media dhe e ka çuar çështjen
para Inspektorit të përgjithshëm të Departamentit.