Պոլսոյ “Ակօս” Շաբաթաթերթը ու “Ժամանակ” Օրաթերթը Հրաւիրուած են Մասնակցելու՝ Թուրքիոյ
Նոր Սահմանադրութեան Ստեղծման Աշխատանքներուն ։
Թուրքիոյ Ազգային մեծ Ժողովի նախագահ Ճեմիլ Չիչէքը Թուրքիոյ Նոր Սահմանադրութեան ստեղծման
աշխատանքներուն հրաւիրած է նաեւ երկրի ազգային փոքրամասնութիւններուն պատկանող չորս
թերթերու ներկայացուցիչները: Ըստ թրքական “Անատոլու” լրատու գործակալութեան՝ Չիչէք
նոր Սահմանադրութեան ստեղծման առնչութեամբ Պոլսոյ մէջ կայանալիք ժողովին հրաւիրած է
լրատուական հինգ գործակալութիւններու, 29 թերթերու եւ 25 հեռուստակայաններու ներկայացուցիչներ: Հրաւիրուածներուն
մէջ են Պոլսոյ մէջ լոյս տեսնող հայկական “Ակօս”շաբաթաթերթը (հիմնուած Հրանդ Տինքի կողմէ)
եւ “Ժամանակ”ը Պոլսոյ պատմական հայերէն օրաթերթը, ինչպէս նաեւ յունական “Ապոեւմաթինի”
եւ հրէական “Շալոմ” թերթերու ներկայացուցիչները: