Նախագահ Սերժ Սարգսեան Ոստիկանապետ Նշանակեց Վլատիմիր Գասպարեանը։
Հայաստանի նախագահ Սերժ Սարգսեանի հրամանագիրով երէկ Ալիկ Սարգսեան ազատ կացուցուեցաւ
Հայաստանի ոստիկանապետի պաշտօնէն: Նախագահի այլ մէկ հրամանագիրով Ալիկ Սարգսեան նշանակուեցաւ
նախագահի խորհրդական: Անոր փոխարէն նախագահ Սերժ Սարգսեան Ոստիկանապետ նշանակեց Վլատիմիր
Գասպարեանը` զայն ազատ կացուցելով պաշտպանութեան փոխ-նախարարի պաշտօնէն: Նշենք, որ
Վլատիմիր Գասպարեան 13 տարի շարունակ` 1997-2010 թուականներուն զինուորական ոստիկանապետի
պաշտօնը ստանձնած էր: Նոր նշանակուած ոստիկանապետը իր կրթութիւնը ստացած է Վոլկոկրատի
ոստիկանութեան բարձրագոյն ակադեմիային մէջ: