1-14 лістапада ў розных
гарадах Украіны пройдуць V Грамадскія дні Украінскай Грэка-Каталіцкай Царквы. Ініцыятарам
іх правядзення з’яўляецца Камісія “Справядлівасць і мір”, а таксама Камісія спрыяння
хрысціянскаму адзінству грэка-каталіцкага епіскапату.
У гэтым годзе, асаблівая
увага будзе нададзена годнасці чалавека. “Чалавек з’яўляецца каштоўнасцю сам па сабе,
таму мае права на годнасць і павагу”, - адзначаюць арганізатары мерапрыемства. 4-5
лістапада пройдзе адмысловая Агульнаўкраінская навукова-практычная канферэнцыя “Годнасць
чалавека ў навучанні Яна Паўла ІІ”. У форуме прымуць удзел, між іншым, кардынал Любамір
Гузар, а таксама шматлікія святары, тэолагі, вучоныя і студэнты.
Мерапрыемствы
Грамадскіх дзён пройдуць і ў іншых гарадах Украіны: Жытоміры, Луганску, Харкаве, Адэсе,
Данецку. Грамадскія дні Украінскай Грэка-Каталіцкай Царквы маюць на мэце прыцягнуць
увагу да сацыяльных праблем, патрэбаў людзей з абмежаванымі магчымасцямі, вязняў,
сірот, падтрымаць тых, хто сацыяльна неабаронены.