“L’Osservatore Romano” аб незаконным распаўсюджванні зброі
Незаконнае распаўсюджванне
звычайных узбраенняў закранае годнасць і святасць чалавечага жыцця, спрыяючы распаўсюджванню
насілля. Аб гэтым заяўляе хрысціянская супольнасць у кантэксце Канферэнцыі ААН па
Дагаворы аб гандлі зброяй, якая пройдзе ў 2012 г. Тэму закранае сённяшняя “L’Osservatore
Romano”.
Хрысціянскія супольнасці яшчэ раз заклікаюць краіны стварыць у гэтай
галіне эфектыўныя і празрыстыя механізмы рэгулявання, якія б грунтаваліся на павазе
да чалавечай годнасці. Аб гэтым заявіў, у прыватнасці, Генеральны Сакратар Сусветнай
Рады Цэркваў пастар Олаф Твейт. Мірная ініцыятыва была агучана хрысціянскай супольнасцю
таксама падчас Экуменічнага форуму за мір у Кінгстане на Ямайцы ў маі гэтага года.
На думку Твейта, трэба пачуць голас простых людзей, якія выступаюць за мірнае
існаванне, і садзейнічаць абавязку эфектыўнага кантролю над рынкам узбраенняў, якія
пагражаюць міру і паўсядзённаму жыццю людзей. Такі падыход аб’ядноўвае ўсе хрысціянскія
супольнасці.
У артыкуле ватыканскага выдання адзначаецца, што палітыкі павінны
спрыяць новаму міжнароднаму парадку, больш бяспечнаму і спрыяльнаму для справы міру.
Надзея жыць без пагрозы “з'яўляецца часткай канцэпцыі свету, якая змяшчаецца ў святых
тэкстах усіх асноўных рэлігій, а таксама ў прынцыпах звычайнага права, якое забараняе
пагрозу ці выкарыстанне сілы ў міжнародных адносінах”.