Святы Айцец падзякаваў жыхарам Германіі за гасцінны прыём
27 кастрычніка прэс-служба
Канферэнцыі Біскупаў Германіі апублікавала ліст, які скіраваў Бэнэдыкт ХVI на імя
арцыбіскупа Роберта Цоліча, старшыні нямецкага епіскапата. У ім Святы Айцец падзякаваў
за гасціннасць, з якой прымала яго Германія. “Маё апостальскае падарожжа я ўспамінаю
з вялікай радасцю і дзякую за гасціннасць аказаную ў Берліне, Эрфурце і Фрайбургу”,
- напісаў Папа. Пантыфік адзначыў, што падчас падарожжа меў магчымасць сустрэць шмат
людзей, якім абвяшчаў Слова Божае, маліўся і ўмацоўваў у веры.
“Цёплы прыём,
які аказалі Папе біскупы і вернікі Германіі стаў бачным знакам іх лучнасці з Наступнікам
св. Пятра, і гэта ўмацавала мяне ў маім служэнні”, - падкрэсліў Бэнэдыкт ХVI.
Паводле
апытання, праведзенага Фрайбургскай архідыяцэзіяй, візіт Папы у Германію, які адбываўся
22-25 верасня, “умацаваў у веры” 70% яе жыхароў. Для 30% візіт Святога Айца быў “незабыўным
святам” а 24% рэспандэнтаў атрымалі вялікі “духоўны імпульс”.