՝՝Այս Ժողովուրդը Իր Հերոսներու եւ Մշակոյթի Միջոցով Կրցած է Վերականգնիլ՝՝ Կը Գրեն
Ֆրանքոֆոն Քաղաքապետերը որ Այցելեցին Ծիծեռնակաբերդ։
Ֆրանքոֆոն Քաղաքապետերու Միջազգային Ընկերակցութեան համաժողովի Պատուիրակութիւնը այցելած
է Ծիծեռնակաբերդի Յուշահամալիր: Ինչպէս կը յայտնեն Երեւանի քաղաքապետարանէն, Պատուիրակութեան
անդամները ծաղկեպսակ դրած են Մեծ Եղեռնի զոհերու Յիշատակին եւ ծաղիկներ` Անմար Կրակի
մօտ: Այնուհետեւ Պպատուիրակները շրջած են Հայոց Ցեղասպանութեան թանգարան-հիմնարկին
մէջ, ծանօթացած թանգարանի ցուցադրութեան եւ արձանագրութիւններ կատարած՝ թանգարանի պաշտօնական
այցելութիւններու յուշամատեանին մէջ, ուր մասնաւորապէս նշած են. “Եկած է ժամանակը,
որ մարդկութիւնը դառնայ մարդկային”, “Յարգանքի տուրք մատուցելով մարդկութեան դէմ զոհերու
յիշատակին` ես, այնուամենայնիւ, կը տեսնեմ, որ այս ժողովուրդը իր հերոսներու եւ մշակոյթի
միջոցով կրցած է վերականգնիլ”, “Պէտք է բոլորս յիշենք մէկ բան` մենք բոլորս պէտք է մեզի
պատասխանատու զգանք ու խօսինք այդ մասին եւ անով փոքր չափով փարատենք կոտորուած այս ժողովուրդի
վէրքերը”: