Італьянская чыгунка ганарыцца магчымасцю даставіць Папу ў Асізі
“Чыгунка Італьянскай
Рэспублікі” даставіла сёння Яго Святасць Бэнэдыкта XVI у Асізі на цягніку “Срэбраная
страла” на сустрэчу “Пілігрымы праўды, пілігрымы міру”, якую Пантыфік склікаў з нагоды
25-годдзя першага Сусветнага дня малітвы аб міры.
У спецыяльным паведамленні,
якое апублікавала сёння дырэкцыя італьянскай чыгункі адзначаецца, што Рымскія Пантыфікі
ўжо трэцці раз карыстаюцца паслугамі “Чыгункі Італьянскай Рэспублікі”, каб прыбыць
у Асізі пасля гістарычнай пілігрымкі бл. Яна ХХІІІ у 1962 г. і бл. Яна Паўла ІІ у
2002 г. Падкрэсліваецца, што перш чым увайсці ў цягнік, Святога Айца прывітаў Міністр
Інфраструктуры і Транспарта Італіі і кіраўнік італьянская чыгункі. “Чыгунка Італьянскай
Рэспублікі” ганарыцца чарговы раз спрыяць такой важнай рэлігійнай, грамадскай і медыйнай
падзеі”, - гаворыцца ў пасланні.
Адзначаецца таксама, што першае падарожжа
Папы на цягніку здзейсніў Пій ХІ у 1849 г. Аднак, з 1870 г. па 1959 г. Рымскія Пантыфікі
не карысталіся гэтым відам транпарта, негледзячы на тое, што ў 1929 г. у Ватыкане
была пабудавана чыгуначная станцыя. “Гэтай станцыяй першы раз скарыстаўся бл. Ян ХХІІІ
у 1962 г.. Ён быў вельмі задаволены падарожжам і амаль увесь час глядзеў у вакно”,
- гаворыцца ў паведамленні.
“Ян Павел ІІ як Рымскі Пантыфік першы раз ехаў
цягніком 8 лістапада 1979 г. з нагоды ХХІ Дня чыгуначніка”, а Бэнэдыкт XVI 15 чэрвеня
2005 г. “прыняў на аўдыенцыі каля 500 працаўнікоў чыгункі, якія прыбылі на Ватыканскую
станцыю з цэнтральнага рымскага вакзала “Тэрміні”.
Цікава, што ў 2006 г. самая
вялікая платформа на гэтым вакзала была названа імем Яна Паўла ІІ.