У польскім Быдгашчы пройдзе міжнародная канферэнцыя аб культурах свету
З 27 па 28 кастрычніка
ў польскім Быдгашчы пройдзе міжнародная канферэнцыя на тэму: “Адзін свет – шмат культур.
Дыялог культур, цывілізацый, рэлігій ва ўмовах глабалізацыі”, якую арганізавала Вышэйшая
Куяўска-Паморская Школа, у супрацоўніцтве з Ватыканскім фондам Ёзэфа Ратцынгера –
Бэнэдыкта ХVI”.
Мэтай сустрэчы, у якой прымуць ўдзел прадстаўнікі больш за
32 навучальных устаноў свету, з’яўляецца паглыбленне тэмы шматкультурнасці ў сучасным
свеце. Яна дасць шматлікім тэолагам, палітолагам, юрыстам, сацыёлагам, гісторыкам,
педагогам, эканамістам, якія належаць да розных культур і рэлігій, абмяняцца сваімі
думкамі на гэтую тэму. У мерапрыемстве прыме ўдзел праф. Максіміліян Хейм, канцлер
тэалагічнага факультэта ў аўстрыйскім Хайлігэнкройц. 30 чэрвеня 2011 г. ён стаў адным
з трох першых лаурэатаў прэстыжнай “Прэміі Ратцынгера”.
Сярод ініцыятараў правядзення
канферэнцыі ў Быдгашчы праф. Ежы Бузэк, старшыня Еўрапейскага Парламента і арцыбіскуп
Клаўдыё Марыя Чэллі, старшыня Папскай рады па сродках масавай камунікацыі.