Папа заклікаў да малітвы ў інтэнцыі ахвяр землятрусу ў Турцыі
26 кастрычніка, на
заканчэнне вігілійнай сустрэчы прысвечанай “Дню разважання, дыялога і малітвы за мір
і справядлівасць у свеце” Святы Айцец скіраваў да вернікаў спецыяльны зварот у сувязі
з землятрусам, які адбыўся ў Турцыі 23 кастрычніка. “У гэты момант, я думаю аб турэцкім
народзе, які цяжка пакутуе з прычыны землятрусу, што прынёс шматлікія чалавечыя ахвяры,
вялікую колькасць згубленых людзей і значную шкоду”, - сказаў Пантыфік.
Папа
заклікаў вернікаў аб’яднацца ў малітве за тых, хто страціў жыццё і быць духоўна блізка
з людзьмі, якія зараз перажываюць цяжкія выпрабаванні. “Няхай Найвышэйшы падтрымае
ўсіх тых, хто заняты ў справе выратавання і дапамогі”, - сказаў Святы Айцец.