Катар: міжнародная канферэнцыя па міжрэлігійным дыялогу
26 кастрычніка ў сталіцы
Катару Доху завершыла працы IX міжнародная канферэнцыя па міжрэлігійным дыалогу. У
гэтым годзе сустрэча прысвечана тэме “Сацыяльныя сеткі і міжрэлігійны дыялог: новыя
адносіны”. Форум сабраў каля 200 удзельнікаў з 55 краін свету. Тут сабраліся прадстаўнікі
хрысціянства, ісламу і юдаізму.
“Небяспека камунікацыйных тэхналогій” і іх
аптымальнае выкарыстанне, “Перавага выкарыстання сацыяльных сетак у міжрэлігійным
дыялогу” – гэтым тэмам былі прысвечаны пасяджэнні і дыскусіі, якія адкрыў кіраўнік
Міжнароднага цэнтра дыялогу рэлігій у Доху прафесар Ібрагім Салех Аль-Наімі. Катарскае
палітычнае кіраўніцтва на форуме прадстаўляў міністр юстыцыі Хасан бін Абдула аль-Ханіма.
На
сустрэчы прысутнічалі прадстаўнікі Праваслаўных Цэркваў: Маскоўскага і Іерусалімскага
Патрыярхатаў, Армянскай Апостальскай Царквы, муфтый Мустафа Цэрыч з Босніі і Герцагавіны,
старшыня хрысціянска-юдэйскага форуму з Вялікабрытаніі рабін Гершэль Глюк. Kаталіцкі
Касцёл на канферэнцыі прадстаўляў арцыбіскуп Ліверпуля Патрык Келлі.