Бэнэдыкт XVI паздякваў членам Фонду Яна Паўла II, хавальнікам яго спадчыны
Каля 300 членаў і
сяброў Фонду Яна Паўла II на чале з польскімі кардыналамі Станіславам Дзівішам і Станіславам
Рылко запоўнілі сёння раніцай Клеменцінскую залю Ватыкана, каб сустрэцца з Папам
Бенедыктам XVI. Сустрэча адбылася напрыканцы святкавання ў Рыме 30 гадавіны арганізацыі,
створанай на ініцыятыву Караля Вайтылы. “Дзякуй за той плён, што выспеў за 30 гадоў
вашай дзейнасці па ўсім свеце,- сказаў Бэнэдыкт XVI і заахвоціў працягваць захоўваць
і пашыраць каштоўную духоўную спадчыну Яна Паўла II.- Мае дарагія сябры,- сказаў далей
прысутным Бэнэдыкт XVI, спасылаючыся на гістарычныя вытокі Фонду, усталяванага Каралям
Вайтылам 16 кастрычніка 1981 года па просьбе некаторых суайчыннікаў з бацькаўшчыны
і на эміграцыі. - Вось “чорным па беламу” ў самім Статуце напісана, што мэта Фонду,
ва ўсведамленні велічы дару асобы і працаў польскага Папы для Касцёла роднай краіны
і свету, імкнуцца захоўваць і развіваць ягоную духоўную спадчыну, каб перадаваць яе
будучым пакаленням ".
Далей Папа падзяліўся з усімі:-"Я сам адчуваю карысць
гэтых намаганняў , калі атрымліваю подых любові і духоўную падтрымку гэтак многіх
людзей ва ўсім свеце, хто радасна вітае мяне як Наступніка Пятра, пакліканага Панам,
каб сцвярджацца ў веры». Бэнэдыкт XVI сёння адзначыў таксама важную ролю Кола сяброў
Фонду, якое распаўсюдзілася на ўсіх кантынентах. Гэта тысячы донараў, якія падтрымліваюць
яго дзейнасць фінансава і духоўна.
Асабліва пантыфік вызначыў працу Рымскіх
Цэнтра дакументацыі Яна Паўла II і Дома Папы Рымскага Яна Паўла II, які ў супрацоўніцтве
з хоспісам Святога Станіслава дае практычную і духоўную дапамогу пілігрымам . Высока
адзначана адукацыйная праца Фонду, які мае больш за 900 выпускнікоў - духавенства
і свецкіх, асабліва ў Цэнтральнай і Ўсходняй Еўропе. На развітанне Папа выказаў
спадзяванне, што гэтая праца будзе працягвацца, і далейшыя распрацоўкі дадуць яшчэ
больш багаты плён."Не абмяжоўваючыся толькі сентыментальнымі успамінамі аб мінулым,
але ведаючы патрэбы сучаснасці, члены Фонду глядзяць у будучыню, старанна і ўпэўнена
імкнучыся рашуча пранікаць глыбей у свет з духам салідарнасці і братэрства, "- завершыў
Папа.