Shpallet çlirimi i Libisë nga Gedafi: zgjedhje brenda tetë muajve dhe më shumë hapësirë
për sharinë
Po dje, u zhvillua në Bengazi të Libisë, ceremonia për shpalljen e çlirimit të vendit
nga regjimi i Muhamar Gedafit. Krerët e Këshillit Kombëtar të Tranzicionit, në një
çast kur akoma vazhdojnë të qarkullojnë në internet pamjet e trishtuara të vrasjes
së kolonelit, përvijuan të ardhmen e Libisë: zgjedhje të përgjithshme brenda tetë
muajve dhe më shumë hapësirë për sharinë, ligjin islamik. Pavarësisht nga frika që
shkakton në Perëndim fjala “shari”, ekspertët theksojnë se në këtë çast, feja islamike
mbetet lidhja më e fuqishme ekzistuese ndërmjet grupeve të ndryshme fisnore të shoqërisë
libiane, prandaj është e natyrshme, që politikanët e rinj të mbështeten mbi të. E
ardhmja do të tregojë nëse ky ligj do ta çojë vendin drejt fondamentalizmit.