Tunizia, vendi i parë i protestave të “pranverës arabe”, votoi dje për zgjedhjen e
Asamblesë Kushtetuese, e cila duhet të hartojë Kartën e re themelore të shtetit. Pavarësisht
se rezultatet nuk janë akoma zyrtare, prirja është e qartë. Përvijohet fitorja e partisë
islamike Ennahdha, kryesuar nga Rashid Ganushi. Takimi zgjedhor u ngrit në qiell nga
presidenti amerikan, Barak Obama, i cili foli për “një hap të rëndësishëm përpara”.
U shpreh me tone entuziaste, edhe Përfaqësuesja e lartë evropiane për Politikën e
Jashtme, Kathrinë Eshton. Përqindja e votuesve ishte e lartë, 70% personave me të
drejtë vote, por vështirë që Partia islamike të fitojë shumicën absolute. Do t’i duhet
të bëjë aleanca e, prej tyre, do të varet fati i Tunizisë, deri tani vend laik.